Archive for the ‘Celebs’ Category

5 years since Dearth

Posted: 22/01/2013 in Celebs, Cinematography
Tags: ,
3

სულ რამდენიმე ცნობილი ადამიანი არსებობს, რომელიც მაკლია ეკრანზე. ერთ-ერთი არის ეს ბიჭი,  რომელიც სულ მენატრება თავისი ღიმილით, მიმიკებით, მხიარული ვიდეოებით, სასწაულად მიმზიდველი ხმით ანუ Deep husky voice.

ერთადერთი რასაც ვაკეთებ ხოლმე… მის ძველ ფილმებს ვუყურებ.

ჰით ლეჯერი (Heath Ledger), რომელიც 28 წლის ასაკში 22 იანვარს წამლის ზედმეტი მიღების გამო გარდაიცვალა.

არ ვიცი, რამდენი ვიდეო შეიძლება ვნახო. თუ ჯეიკ ჯილენჰაალთან (Jake Gyllenhaal) ერთად არის, ისინი ხომ საერთოდ.

მე აქ იმ ვიდეოს დავდებ, რომელიც დღეს ვნახე.

ეს კი სასიყვარულო ამონარიდი Brokeback Mountain-იდან. რა სიმბოლურია. Michelle Williams მისი პერსონაჟისა და მისი რეალური მეუღლე და შვილის დედა. ჯეიკი კი – შვილის ნათლია.

I miss you Dude :(

394884_2978980629132_1751007991_n

ეს პოსტი

Posted: 31/07/2011 in მელომანია, Celebs
7
არაფერზე არ არის. საერთოდ არაფერზე. ეს პოსტი იმაზეც კი არ არის, შაბათს რომ კარგად გავერთე. ეს ბლოგი არ არის მემატიანე და იმიტომ.

ეს პოსტი იმაზეც არ არის, ჩემი საყვარელი მომღერალი რომ გარდაიცვალა. ეს ბლოგი ნეკროლოგიური არ არის და იმიტომ.

ეს პოსტი იმაზეც არ არის, რომ მან გააჩერა არსებობა იმისა, რაც ჩემს სულს ასე უყვარდა.
ეს პოსტი იმაზეც  არ არის, რომ მას საკმარისი ხნის განმავლობაში ვუსმენდი და ყოველ დილით ვუსმენ ერთსა და იმავე სიმღერას უკვე რამდენი ხანია.

არცერთი პოსტი არ წამიკითხავს, რაც კი მის შესახებ იყო. ვერ ვიტან გარდაცვალების შემდეგ რომ იხსენებენ, რომ თურმე მაგარია და მოდი დავწერ.
ზურასთან ეს კომენტარი დავტოვე კიდევაც.

მის ოფიციალურ Fb გვერდს წამში ასზე მეტი თაყვანისმცემელი ემატება. გაგიჟდები რა.

ჩემი პატარა გოგო!! რატომ გადაწყვიტე, რომ ეს საზიზღრობები შენ დაგეხმარებოდნენ?! რატომ გადაწყვიტე, რომ ბლეიკი კარგ რამეს მიგაჩვევდა?! ის ხომ just another ნაძირალა იყო. უბრალოდ შენ ის ზედმეტად გიყვარდა.
რატომ გიყვარდა ასე ძლიერ??? რატომ უძღვნიდი სიმღერებს, რატომ უმღეროდი ამ სიყვარულს???

არადა გეუბნებოდნენ, გირჩევდნენ, გთხოვდნენ შეშვებოდი მას და ყველაფერს, რაც მასთან იყო დაკავშირებული. რატომ არ დაუჯერე მამაშენს, რომელსაც შენი გამოჯანმრთელება უნდოდა?!
 რატომ გახდა ჰიტი ის სიმღერა, სადაც ამბობდი:
They tried to make me go to rehab but i said ‘no, no, no’
Yes I’ve been black but when i come back you’ll know know know
I ain’t got the time and if my daddy thinks I’m fine
He’s tried to make me go to rehab but i won’t go go go

შენ იმდენად გიყვარდა ბლეიკი, რომ თანახმა იყავი მასთან ყოფნის გამო საკუთარი ცხოვრება დაგენგრია:
I’m gonna, I’m gonna lose my baby
so I always keep a bottle near’


I wish you have said “YES YES YES”!!!!

კი, ძლივს მოხდა ის, რომ დაშორდი. მაგრამ მერე რა?!
რა შეიცვალა??? არც არაფერი.
იღვიძებდი მარტო და რა???
მღეროდი
It’s okay in the day I’m staying busy
Tied up enough so I don’t have to wonder where is he
Got so sick of crying

კიდევ კარგი, იმას მაინც მიხვდი, რომ მთელი შენი მილიონები ნარკომანი და ლოთი ბლეიკისთვის არ უნდა დაგეტოვებინა.

ამ სურათში განსაკუთრებით გრაციოზული ხარ.
მოდიხარ და მოგაქვს ყველაფერი!

ეს სიმღერა კი სამუდამოდ დარჩება ჩვენთან.

32

Posted: 04/04/2011 in Celebs, Cinematography
8

missing him quite often :(

Happy 32-th birthday wherever you are. 

Martin Schoeller (part 2)

Posted: 03/04/2011 in Celebs, it's interesting
9
ისევ ეს ადამიანი გამახსენდა და ისევ მომინდა მის მიერ შექმნილი სურათების აქ დადება.

ამ ალბომის პირველი ნაწილი შემოგთავაზეთ უკვე რამდენიმე პოსტის ქვევით. მე მას Everything is so simple დავარქვი, მარტინმა კი Close Up.  და მართლაც, როგორ ახლოს არის იგი თითოეულ მათგანთან. თითქოს სჩანს მათი შინაგანი სამყარო. 

გავსაყვარელდი

Posted: 16/03/2011 in საგიჟეთი, Celebs, Cinematography, Dude
21
ეს ის დროა, როდესაც ჩემს გასაყვარლებას აკლია დღეები. ან წუთები, ან კიდევ წლები, ან სულაც რამდენიმე წამი. არ ვიცი, ჯერ უფრო კონკრეტულად არ მიფიქრია ამ საკითხზე.
გამარჯობა, მე საყვარელი ვხდები.
ვისი??? არის ერთი ასეთი.
ის ერთი არის ასეთი, ისეთი, მერე ისევ ასეთი და ისეთი.
მე ისედაც მინდოდა ეს ყველაფერი და ისედაც არ მეზარებოდა.
რატომღაც მომინდა ეს ყველაფერი და თამაში სახელად “გავსაყვარელდი”–ც დაიწყო.
მერე რა, რომ სიტყვა “დაოჯახებული” ჩემი პრობლემა უნდა ყოფილიყო. არ იყო და…
უბრალოდ მომინდა ინსტინქტების ჭკუაზე მევლო. არ მიმექცია ყურადღება მორალისა და ზნეობისთვის.
მერე რა, თუ ორიდან ერთ–ერთი დაკავებული იყო თანაც სერიოზულად. მომინდი და მორჩა.
შენ მოგინდი, როდესაც გეგონე ასეთი.

მერე აღმოჩნდა, რომ ვიყავი ასეთი.

ხო, ახლაც ასეთი ვარ. თმა რამდენიმე დღის წინ შევიჭერი ბიჭურად და ხალხი უკვე აქტიურად მაიგივებს ბიჭთან.
მაგრამ მაინც შენ მე გიზიდავ!!!
გეუბნებოდი, არ ვარ ლამაზი–მეთქი.
არ ვარ განსაკუთრებული–მეთქი.
და სხვა დანარჩენი.
შენ არ დაიჯერე.

ხოდა შედეგიც ის იყო, რომ რაც უფრო ძლიერად ცდილობდი საკუთარ დამკავებელთან ყოფილიყავი, მით უფრო ძლიერად მე გინდოდი.
მეც დავიწყე თამაში.
დავივიწყე ეგ დამკავებელი, თამაში ხომ უნდა დაიწყოს?!
თუმცა ალაგ–ალაგ მშვიდობაში მე უფრო მახსენდება ეგ დამკავებელი, ვიდრე შენ.
შენ ჩემთან გინდა. და ახლა უფრო მეტად, ვიდრე ადრე.
დღეს ნატალი პორტმანის მასტურბაციის დღე იყო და ქალი მომანდომა. o, gosh, რა ვნებიანად კოცნიდა მილა კუნისს?! ან თუნდაც ვენსან კასელს?!
თუმცა მე მაინც სკარლეტის ვარ, რომელიც ერთგან სხვის ქმარს უკმაყოფილებს სექსუალურ სურვილებს. მეორე ფილმში სხვის ქმარს უკმაყოფილებს სექსუალურ სურვილებს და მერე მის ცოლზეც არ ამბობს უარს. მესამე ფილმში კი მეტიც, საკუთარი ქმარი ჰყავს და მაინც სხვის ქმართან ერთობა.
მერე კირა ნაიტლი, რომელიც ვერ ჯერდება იმას, რომ გათხოვილია. მაინც ძველი სიყვარული ახსენდება, შანსს ხელიდან არ უშვებს და მე იცი რას ვფიქრობ?!
იმას, რომ ვნება და სურვილი გაცილებით მეტია, ვიდრე ოფიციალური სტატუსი იმისა, ვინც შენს გვერდითადაა.

არადა მაქვს ჩვეულებრივი ცხოვრება, ჩვეულებრივი არა–მიმზიდველი ტანსაცმლით ვმოძრაობ, სრულიად არა–მიმზიდველი გამომეტყველებით.

არადა ამასთანავე, როგორ ზუსტად უნდა იყო დარწმუნებული იმაში, რომ არაფერს აშავებ. უბრალოდ რაღაც გინდა და აკეთებ. მაგრამ მერე იწყება სინდისის ქენჯნა. გამუდმებული. საკუთარ თავს ვერ პატიობ იმას, რომ ვიღაცას ვნებ. იმის დამკავებელს თუ შენსას. მერე რა, თუ იმის თუ შენი დამკავებელი უარესად გღალატობს. და შენ მაინც ისევე გინდა ძლიერი პიროვნება იყო და პრინციპებს არ ღალატობდე. ბოლო მომენტამდე შენც და მეც დარწმუნებულები ვართ, რომ ყველაფრის აღიარება სიმშვიდეს მოგვიტანს, მაგრამ ჩვენ არაფერსაც არ ვამბობთ, არავისაც არ ვუყვებით.
ჩვენ უბრალოდ ერთმანეთი გვიზიდავს.
და მე როგორ სასწაულად მეშინია, რომ ამას ვერ გადავაბიჯო.

ამ ყველაფერზე მე არ მინდა ფიქრი. უბრალოდ ახლა ასე ვარ, როგორც სურათზე. არ ვიცი რა აზრები მომდის თავში და არ ვიცი, რა აზრები მიმდის თავიდან.

კირა კი – ასე.

p.s. გადამრიეს ამ ფილმებმა. 

Martin Schoeller

Posted: 16/03/2011 in Celebs, it's interesting
16
ყველაფერი რა მარტივია.
Всё как просто.
Everything is so easy.
Alles ist so leicht.
მეტი ენა არ ვიცი.

The photos, taken by Martin Schoeller. Some famous ones are those, that put you so close to their idols, it seems that you can read their eyes. Phenomenal.

ცნობილი ადამიანების დედ-მამიშვილები

Posted: 18/10/2010 in Celebs, Cinematography
32

წარმოგიდგენთ ამა თუ იმ პოპულარული ადამინის დებსა და ძმებს. ზოგი მათგანი ძალიან ჰგავს თავის სისხლის ნათესავს. ზოგი საერთოდ არა.
ინებეთ და დატკბით.

ანჯელინა ჯოლი და მისი ძმა – ჯეიმს ჰევენ ვოიტი. (მოგეხსენებათ მათი მამა ცნობილი ამერიკელი მსახიობი – ჯონ ვოიტია, რომელთანაც ენჯის გაწყვეტილი აქვს ურთიერთობა)

ავსტრალიელი მსახიობი ნიკოლ კიდმანი დასთან – ანტონიასთან ერთად.

ვიქტორია ადამს-ბექჰემი და მისი და – ლუიზა

შერონ სტოუნი დასთან – კელისთან ერთად.

კიანუ რივზი და მისი დები – კიმი და კარინა

კაილი და დენი მონოუგები (მგონი დენი ყველაზე ცნობილია სხვა ადამიანების დედ-მამიშვილებთან შედარებით)
ბრედ პიტი და მისი ძმა – დაგი
პენელოპე და მონიკა კრუსები ( და არა კრუზი!!!) ჩემი ფავორიტები. ორივე ერთად არის ცნობილი ესპანელი ბრენდის “Mango”-ს სახე. საოცრად გვანან ერთმანეთს. 
ლესლი, ჯენიფერ და ლინდა ლოპესები
ლინდსი ლოჰანი დასთან ალიანასთან და დედასთან დინასთან ერთად
ჩემი ერთ-ერთი ფავორიტი რუსი მსახიობი ძმები – ალექსეი და ანდრეი ჩადოვები. 
ბრიტნი სპირსი და მისი და – ჯეიმი ლი
სკარლეტი და ჰანტერ იოჰანსონები
ბიონსე და სოლანჟ ნოულსები. თმის ფერი რომ არა, ძალიან გვანან ერთმანეთს. 
ორლანდო და სამანტა ბლუმები
კოლინ ფარელი დასთან – კლოდინთან ერთად.
ჟიზელ ბიუნდჰენი დებთან ერთად.
ჯესიკა ალბა და მისი ძმა – ჯოშუა
ოუენ და ლუკ ვილსონები. ხო, ესენიც ერთნაირად ცნობილები არიან. 
ხოო, ეს აუცილებლად უნდა დამედო. ჩემი ერთ-ერთი საყვარელი რუსული ჯგუფის ტყუპი წევრები, ძმები “გრიმები” ბორისი და კონტანტინე. 
ჰილარი და ჰეილი დაფები
ჯეიკ და მეგი ჯილენჰაალები. უკომენტაროდ

მსოფლიოს ყველაზე გავლენიანი ქალბატონები

Posted: 07/10/2010 in Celebs
24

ჟურნალმა “Forbes”-მა შეადგინა ქალთა ყოველწლიური რეიტინგი გავლენიანობის მიხედვით.  როგორც იუწყება სააგენტო “Reuters”, ამ წელს “Forbes”-მა ტაქტიკა შეცვალა და ამჯერად ქალები ზემო აღნიშნულ სიაში მოახვედრა არა სიმდიდრისა და ძალაუფლების მიხედვით, როგორც ადრე ხდებოდა, არამედ შემოქმედებითი მოღვაწეობისა და აქტიურობის მიხედვით.

1) მიშელ ობამა. “Forbes”-ის მიხედვით, პირველ ადგილს იკავებს აშშ-ის პირველი ლედი. (იშშშშ )

2) მეორე ადგილს იკავებს ამერიკული კომპანია “Kraft Foods”-ის მთავარი აღმასრულებელი დირექტორი ირენე როზენფელდი.

3) პოპულარული ამერიკელი ტელეწამყვანი ოპრა უინფრი.

4) მთელი 4 წლის მანძილზე გერმანიის რაიხ-კანცლერი ანგელა მერკელი პირველ ადგილს იკავებდა, თუმცა ახლა მეოთხეზე ჩამოვიდა.

5) ამ ადგილს იკავებს აშშ-ის სახელმწიფო მდივანი – ჰილარი კლინტონი.

6) “PepsiCo”-ს აღმასრულებელი დირექტორი  - ინდრა ნუი (ამ ქალის არაფერი მინდა, ერთი ქარხნის გარდა, სადაც უთვალავი “pepsi” იქნება. )

7) ლედი გაგა. პრინციპში თუ გავითვალისწინებთ მის მიერ დადგმულ შოუებსა და შოკში ჩაგდებულ მრავალრიცხოვან ადამიანებს, მოხვდებოდა კიდეც. გარდა ამ რეიტინგისა, 24 წლის მომღერალი დაასახელეს ერთ-ერთ ყველაზე სასურველ სარძლოდ. (ვინმემ ურო ჩამცხეთ. )

8) მე-8 ადგილზეა ავსტრალიური კომპანია “Westpac”-ის პრეზიდენტი – გეილ კელი.

9) მომღერალი, მუსიკალური პროდიუსერი, მსახიობი, მოცეკვავე და მოდელი – ბიონსე ნოულსი დასახელდა მე-9 პოზიციაზე.

10) და ათეულს ასრულებს ტელეწამყვანი – ელენ დიჯენერესი.

100-ეულში მოხვედრილია 70 ამერიკელი, 4 ფრანგი (მათ შორის საფრანგეთის პირველი ლედი – კარლა ბრუნი-სარკოზი, რომელმაც 35-ე ადგილი დაიკავა), 2 ავსტრალიელი, ბრაზილიელი, ინდოელი და სინგაპურელი მანდილოსანი.

ჟან-პოლი თავის ამპლუაშია

Posted: 07/10/2010 in Celebs, My Artificial Culture
14

რა საჭიროა მუდმივად ჩარჩოები. ყველა ხომ არ იქნება იდეალური წონის, ღმერთო ჩემო.

აი მაგალითად, ცნობილმა ფრანგმა დიზაინერმა ჟან-პოლ გოტიემ გადაწყვიტა, რომ მძიმე-წონიანი მანდილოსნებისთვისაც ქმნის ის საინტერესო ტანისამოსებს. 
ცნობილმა პროვოკატორმა დიზაინერმა კიდევ ერთხელ შოკში ჩააგდო აუდიენცია პარიზის მოდის კვირეულზე. მან პოდიუმზე გამოიყვანა ამერიკელი პანკ-მომღერალი ბეტ დიტო, რომელიც სხეულის ფრიად გაბარიტული ზომებით გამოირჩევა (155სმ სიმაღლის ფონზე 95კგ გახლავთ). ის გამოჩნდა მოკლე კაბაში. 
ასეთი გზით გოტიემ ხმამაღლა გამოხატა თავისი პოზიცია: მისი მოდა ვრცელდება ნებისმიერ ქალზე და არა მხოლოდ იმაზე, ვისაც შეუძლია იდეალური სამოდელო ტანით დაიკვეხნოს. 
ახალი კოლექცია ეწინააღმდეგება ტრადიციულ მოდას. ჟან-პოლი ჰფენს ქვედა საცვლებს, რომელთაც მინიჭებული აქვს საღამოს ან თუნდაც ყოველდღიური ტანისამოსის სტატუსი. ასევე ყურადღება ექცევა ასიმეტრიულ კაბებსა და კორსეტებს, ქურთუკებს, შორტებსა და აჟურულ კოლგოტებს.

To me YOU are perfect

Posted: 08/04/2010 in Celebs, Dude
27

დიდი ხანია ვწერ ამ პოსტს. ხოდა დღეს როგორც იქნა მოვაბი თავი. მინდა იმ მამაკაცთა სურათები დავდო, რომლებიც ძალიან მესიმპატიურებიან. ზოგი – “პაპსა”-ა უკვე, ზოგი – “ფუჰ, რას ჰგავს”. მაგრამ ყველა მათგანს ერთი ნიშა აერთიანებთ. და ეს ნიშაა: “ვგიჟდები ამ კაცზე”.
თავიდან ვფიქრობდი ნუმერაციით მივყოლოდი, მაგრამ გზადაგზა გამახსენდება ვინმე, ვინც ზედა სურათზე გამოსახულ მამაკაცზე მეტად მომწონს და ამერევა ყველაფერი. ხოდა შესაბამისად, არანაირი ნუმერაცია არ იქნება. I love you all. :)

ნუ.. მიუხედავად “ანტი-ნუმერაციობი”-სა, არსებობს მამაკაცი ნომერი 1!!!
მახსოვს სადღაც 1995-1996 წელი იქნებოდა, როდესაც spice girls-ზე გადამკვდრები ვიყავით მე და ჩემი და. რაღაც გაზეთში წავიკითხეთ ვიქტორია “Manchester United”-ის ნახევარმცველ დევიდ ბექჰემს ხვდებაო და არიქა. მივვარდით მამაჩემთან ფრაზით: “აუ, რომელია ბექჰემი, გვანახე რა.”  დათოს დამსახურებაა, რომ ჩვენ ფეხბურთს ვუყურებდით. არ დამავიწყდება “მანჩესტერ იუნაიტედი”-სა და “მიუნჰენის ბაიერნი”-ს შერკინება 1999 წლის ფინალში, სადაც მე-6 წუთზე მარიო ბასლერმა გაიტანა გოლი ინგლისელთა კარში. ამის მერე 89-ე წუთამდე იმედ-წართმეულს სავარძელში მეძინა. მერე კი იყო ორი გოლი თითო-თითო წუთების მიყოლებით. სახლი ზანზარებდა ჩვენი კივილისა და ხტუნაობისგან. მეორე დღეს დედაჩემმა გვითხრა, გამეღვიძა, მიწისძვრა მეგონაო.
                                                                           The David

                                                                        ბრედ პიტი

 

                                                               ალ პაჩინო

                                                             რობერტ დე ნირო

                                                         ლეონარდო დიკაპრიო

                                                                ჯოშ ჰარტნეტი

                                                            ჯეიკ ჯილენჰაალი

                                                            ჯერარდ ბატლერი

                                                                   ჩენინგ ტატუმი

                                                                 უილ სმიტი

                                                              პაოლო მალდინი

                                                        ალესანდრო ნესტა

                                                              მასიმო ამბროზინი

                                                               ფრანჩესკო ტოტი

                                                         რეინალდო ჯიანეკინი

                                                            როდრიგო სანტორო

                                                              ფაბიო ასუნსაო

                                                                    რიჩარდ ეშკროფტი

                                                           
                                                                 კრის  მარტინი

                   
                                                             რაიან ფილიპი

                                                     
                                                            ბრედლი კუპერი

                                                                 დეივ ნავარო

მარკ უოლბერგი

                                               

                                                                        ჰიტ ლეჯერი

                                                                       მარატ საფინი

                                                                        ჯუდ ლოუ

                                                                  ჯეიმს მერსდენი

                                                           
                                                                    ბენისიო დელ ტორო

                                                                     ჯეისონ სტეტემი

 

                                                                     
                                                                     ეშტონ კაჩერი

                                                                 მეთიუ მაკკონაჰი

ტილ შვაიგერი

 

                                                                 
                                                                   ჯემი დორნანი

                                                                   ჯონ კორტაჯარენა

                                                                 გუსტავო კუერტენი

                                                                           
                                                                   
მგონი მთელი ჰოლივუდი ჩამოვწერე :D :D

Emina Cunmulaj

Posted: 23/03/2010 in Celebs, Facebook, Twitter
15

ვგიჟდები ამ გოგოზე. ულამაზესი ემინა კუნმულაჟი. დაბადებულია 1984 წლის 12 სექტემბერს, აშშ-ის ქალაქ მიჩიგანში. თუმცა ფესვები აქვს ალბანური. გვარზეც ეტყობა, რომ სუფთა სისხლის ამერიკელი არ არის. მთელი ალბანეთი ამაყობს, რომ ასეთი ლამაზი წარმომადგენელი ჰყავთ მსოფლიო მოდის სამყაროში. 4 წლის ასაკში ოჯახთან ერთად გადასახლდა იუგოსლავიაში. 2001 წელს იუგოსლავიაში გაიმარჯვა  Elite Model Look-ის კონკურსზე. ინგლისურად და ალბანურად თავისუფლად საუბრობს. ეგ კიარადა, გაფართოებული თვალებით ვისმენდი მის ინგლისურ საუბარს, ძალიან ლამაზად საუბრობს, დამახინჯებების გარეშე. საყვარელი ქვეყანაა საფრანგეთი და ფრანგულადაც კარგად საუბრობს.
ხო, ესეც მცირე დოსიე. ვიკიპედიიდან.
Date of birth September 12, 1984 (age 25)
Place of birth Michigan, United States
Height 1.80 m (5 ft 11 in)
Hair color dark brown
Eye color brown
Measurements 83-60-90
Shoe size 38 (EU), 7 (US)
Agency Elite Model Management
Spouse(s) Bekim Lulanji (ოღონდ ახლა უკვე ქმარს გაშორებულია).
კითხვაზე გყავთ თუ არა შეყვარებული, პასუხობს: “არა ბიჭებო, თავისუფალი ვარ, ასე რომ იაქტიურეთ!!!   ”


ძალიან კომუნიკაბელურია. ხშირად იცინის და სულ მხიარულობს.ნივთი, რომელიც მუდამ ჩანთაში უდევს არის შავი Blackberry. არადა მეგონა იტყოდა ტუჩსაცხი, ხელის კრემი ან რამე მსგავსი.  ამჟამად არის Jean Paul Gaultier-ს მუზა.

აი აგერ მისი სიყვარული ტელეფონის მიმართ:
“WiFi is the bomb – love using my blackberry up in the air … Blackberry addict”

ცნობილია მისი მართლაც ულამაზესი ფეხებითა და თმებით, რაც აგერ კარგად ჩანს.


გადაღებულია შემდეგი ბრენდების რეკლამებში: Dolce & Gabbana, Bergdorf Goodman, Dooney & Bourke, Etro, Versace, Emanuel Ungaro, Blumarine, Jean Paul Gaultier, Iceberg, Mango, Just Cavalli.მონაწილეობა მიუღია ისეთი მოდის სახლების ჩვენებებში, როგორებიცაა Gucci, Versace, Hermès, Carolina Herrera Christian Dior,Giorgio Armani, Gianfranco Ferré, Louis Vuitton, Missoni, Moschino, Oscar de la Renta, Paco Rabanne, John Galliano, Fendi, Karl Lagerfeld, Valentino, Yves Saint Laurent, Chanel.
მისი საუბრიდან დამრჩა შთაბეჭდილება, რომ არის ძალიან უშუალო და ძალიან სიამოვნებს, როდესაც ხალხს ის უყვარს. ბავშვობაში საერთოდ არ აპირებდა მოდელობას და ახლა უკვე ძალიან უყვარს ის საქმე, რომელსაც ემსახურება. 
ვიკიპედიიდან მხოლოდ დოსიე ამოვიღე, სხვათაშორის. და ნუ, სურათებიც რათქმაუნდა, ინტერნეტის საშუალებითაა მოძიებული. ყველაფერი fashionTV-ის დამსახურებაა, სადაც ხშირად გადის ხოლმე მინი-რეპოსტაჟები მოდელებზე. 

ჰაჰ, ამწამს დაწერა Twitter-ზე:Catching up on my facebook page at 30000 feet up in the air :) love it
ეტყობა თვითმფრინავით მიემგზავრება სადღაც. ჯერ Wi-Fi-ო, მერე up in the air-ო.

ხოოოოდა, ჩემს სტაფილოსფერთმიან ავატარს როგორ ჰგავს აქ